«Գնելու իրավունքով ծանրաբեռնված կառուցապատման մասին» ՀՀ օրենքի նախագիծը, որով առաջարկվում է գնելու իրավունքի վաճառք իրականացնող կառուցապատողների համար սահմանել հստակ պահանջներ՝ ներառյալ թափանցիկության, կայքի առկայության, պարտադիր աուդիտի, ինչպես նաև սպառողների հնարավոր մոլորեցումները կանխելուն ուղղված մեխանիզմների ներդրմամբ։ Նախատեսվում է նաև մասնագիտացված կառուցապատողների ինքնակարգավորվող կազմակերպությունների (ԻԿԿ) ձևավորում,
Կառուցապատողների և կառուցվող նախագծերի ռեյտինգավորման ընթացակարգերի ներդրում, որով առաջարկվում է միջազգային պրակտիկայում կիրառվող չափանիշների հիման վրա իրականացնել կառուցվող նախագծերի դասակարգում՝ ըստ հարմարավետության և դիրքավորման (ստանդարտից մինչև պրեմիում), ինչպես նաև կառուցապատողների գնահատում՝ հիմնված թափանցիկության, սնանկության կամ դատական գործընթացներում ներգրավվածության վերաբերյալ տվյալների վրա։
Հանձնաժողովի նախագահ Գեղամ Գևորգյանն անդրադարձել է նաև կառուցապատող-գնորդ պայմանագրային հարաբերությունների կարգավորման անհրաժեշտությանը և ներկայացրել կառուցապատման ոլորտում Հանձնաժողովի կողմից իրականացված ուսումնասիրության արդյունքները՝ սպառողների շահերի պաշտպանության տեսանկյունից։ Նա ընդգծել է պայմանագրային հարաբերություններում հաճախ հանդիպող այնպիսի կարգավորումներ, որոնք կարող են բացասաբար ազդել սպառողների շահերի վրա կամ մոլորեցնել նրանց։
Կողմերն արձանագրել են, որ ոլորտում առկա են մի շարք խնդիրներ, որոնց լուծմանը կարող են նպաստել Ասոցիացիայի կողմից առաջարկվող օրենսդրական նախաձեռնությունները և շուկայի կարգավորմանն ուղղված գործիքները։
Քննարկմանը մասնակցել են նաև Երևանի քաղաքապետարանի, Քաղաքաշինության կոմիտեի, Արդարադատության նախարարության, ինչպես նաև Հանձնաժողովի ներկայացուցիչներ։ Մասնակիցները դրական են արձագանքել Ասոցիացիայի ներկայացրած նախաձեռնություններին՝ միաժամանակ ներկայացնելով մի շարք դիտարկումներ և առաջարկություններ առանձին հարցերի շուրջ։
Կողմերը պայմանավորվել են շարունակել քննարկումներն՝ ի նպաստ երկրի ՀՆԱ-ում շուրջ 20 % ապահովող տնտեսության ճյուղի կայուն և շարունակական զարգացման։
ք.Երևան, Ծիծեռնակաբերդի խճուղի 8/3
+374 44001099
+374 98513233
Կապ մեզ հետ