Ասոցիացիայի նախագահ Գուրգեն Գրիգորյանը մասնակցել է հասարակական խորհրդի առաջին նիստին, որի ընթացքում Արդարադատության նախարար Սրբուհի Գալյանը ներկայացրել է ոլորտում իրականացվող և նախատեսվող բարեփոխումները՝ անդրադառնալով թվայնացմանը, դատարանների ծանրաբեռնվածության նվազեցմանը, հակակոռուպցիոն ռազմավարության միջոցառումներին և Սահմանադրական բարեփոխումների խորհրդի աշխատանքներին։
Գուրգեն Գրիգորյանը կարևորել է պետություն-մասնավոր երկխոսության արդյունքում արձանագրված դրական արդյունքները և շնորհակալություն հայտնել նախարարությանը՝ արդյունավետ համագործակցության համար։
Ասոցիացիայի նախագահը ներկայացրել է գործարարներին հուզող հարցեր և առաջարկներ՝ միտված ներդրումային միջավայրի կայունությանը՝ ընդգծելով կայուն և կանխատեսելի իրավական միջավայրի ապահովման կարևորությունը։ Նա անդրադարձել է նաև բարեխիղճ ձեռքբերողի ինստիտուտին, դատախազության կողմից հարուցվող հայցերին և քրեական գործերով արգելադրումների հետևանքով առաջացող խնդիրներին, որոնք ազդում են ինչպես բարեխիղճ տնտեսվարողների, այնպես էլ բնակիչների շահերի վրա։
Ներկայացվել են նաև առաջարկներ՝ իրավական ակտերի հետադարձ ուժով կիրառության և իրավաբանական ֆիկցիայի արտադատական կիրառության վերաբերյալ՝ առաջարկելով զարգացնել գանգատարկման հանձնաժողովների ինստիտուտը՝ վարչական արդարադատության բեռնաթափման նպատակով:
ք.Երևան, Ծիծեռնակաբերդի խճուղի 8/3
+374 44001099
+374 98513233
Կապ մեզ հետ