Վերջին ամիսներին կառուցապատողների շրջանում քննարկվում էր կառուցվող շենքի գույքահարկի կարգավորումները.
գույքահարկը հաշվարկվում էր դեռևս չկառուցված մեկ գույք շենքի համար՝ թանկության հարկի տրամաբանությամբ, ինչը հանդիսանում էր անհամաչափ և անարդար ֆինանսական բեռ:
Ասոցիացիան բարձրաձայնում էր կառուցապատողների արդարացի դժգոհություններն ու մտահոգությունները` ընդգծելով օրենքի անկանխատեսելիությունը և հետադարձ ուժով կիրառումը, խաղի կեսից խաղի կանոնների փոփոխության անթույլատրելիությունը:
Երևան համայնքի գործընկերներն արձագանքել էին բարձրացված հարցերին՝ կիրառելով որոշակի արտոնություններ, սակայն խնդիրը ամբողջությամբ լուծված չէր։
Կառավարության գործընկերներն ականջալուր եղան Ասոցիացիայի կողմից ներկայացված խնդիրներին, և պաշտոնական պարզաբանման միջոցով այն կարգավորեցին։
Ըստ այդմ, այսուհետ գույքահարկը կհաշվարկվի ոչ թե մեկ գույք շենքի, այլ դրա ներսում կառուցվող առանձին գույքային միավորների նկատմամբ, ինչի արդյունքում կառուցապատողների ֆինանսական բեռն էականորեն կնվազի:
Եվս մեկ օրինակ, որ պետություն–մասնավոր կառուցողական երկխոսությունը հանգեցնում է գործնական և փոխշահավետ արդյունքների:
ք.Երևան, Ծիծեռնակաբերդի խճուղի 8/3
+374 44001099
+374 98513233
Կապ մեզ հետ