Կառուցապատողների հայկական ասոցիացիայի նախագահ Գուրգեն Գրիգորյանը և հիմնադիր խորհրդի անդամ Վահե Պետրոսյանը մասնակցել են Փոխվարչապետ Տիգրան Խաչատրյանի գլխավորությամբ կայացած հարկային վարչարարության և քրեական վարույթների նախաձեռնման վերաբերյալ քննարկմանը, որտեղ գործարար միությունների ներկայացուցիչները բարձրաձայնել են խնդիրներ և մտահոգություններ։
Ասոցիացիայի նախագահն իր խոսքում նշել է, որ խնդիրներին զուգահեռ էապես նկատելի են տարեցտարի արձանագրվող բարելավումները և երախտիք է հայտնել գործընկերներին՝ օրեցօր լավարկվող աշխատանքի համար, իսկ հանրային վարչարարության արդյունավետության բարձրացման ուղղությամբ ներկայացրել է մի շարք առաջարկներ, այդ թվում՝ հետադարձ պահանջի (ռեգրեսի) ինստիտուտի կիրառության և գանգատարկման հանձնաժողովների գործիքակազմերի ընդլայնման վերաբերյալ:
Պատասխանատու գերատեսչությունների կողմից ներկայացվել են արդեն իսկ իրականացված և ընթացիկ աշխատանքները, ինչպես նաև ներկայացված խնդիրների կարգավորման առաջարկներ։
Հանդիպման արդյունքում ձեռք է բերվել պայմանավորվածություն՝ շարունակելու խնդրի կարգավորման համար անհրաժեշտ գործողությունների շուրջ քննարկումները՝ 2026 թվականի սկզբին դրանք ամփոփելու և առաջիկա քայլերը համաձայնեցնելու նպատակով։
ք.Երևան, Ծիծեռնակաբերդի խճուղի 8/3
+374 44001099
+374 98513233
Կապ մեզ հետ