Ընկերության հիմնադիր Արման Շվագիրը ներկայացրել է Արաբկիր վարչական շրջանի Մալխասյանց փողոցում կառուցված համալիրի ճարտարապետական, շինարարական, տեխնոլոգիական ու նախագծային մոտեցումները, օգտագործված նյութերն ու էներգոարդյունավետ լուծումները, որոնք միտված են բարձրացնելու որակը, հարմարավետությունը և շրջակա միջավայրի պահպանությունը։
Կողմերը քննարկել են կառուցապատմանը խթանող գաղափարներ, շինարարական նորմերի կատարելագործման ուղղությամբ հարցեր և պետություն-մասնավոր գործընկերության խորացման ուղիներ՝ կարևորելով նման այցելությունները, որոնք նպաստում են լավագույն փորձի փոխանակմանը, նորարարական գաղափարների տարածմանը և կառուցապատման մշակույթի շարունակական զարգացմանը։