Պատկան մարմինները նշում են, որ տարեցտարի աճում է ոչ միայն մասնավոր և համայնաքային, այլև պետական բյուջեի միջոցներով իրականացվող շինարարության ծավալը։ ՀՀ քաղաքաշինության կոմիտեի նախագահ Եղիազար Վարդանյանն այս հանգամանքը կապում է այն փաստի հետ, որ 300 դպրոցի և 500 մանկապարտեզի բոլոր շինարարական օբյեկտներն արդեն մտել են շինարարության փուլ։
Ուշագրավ է այն փաստը, որ շինարարության ծավալները մեծանում են նաև մարզերում։ «Քաղաքաշինական թույլտվությունների հայտարկումները Երևան համայնքի սահմաններում էականորեն նվազել են։ Եթե նախորդ տարի բազմաբնակարան բնակելի համալիների թողարկված շինարարության թույլտվությունների թիվը հասնում էր 180-200-ի, ապա այս տարի առաջին կիսամյակում այդ թիվը մոտավորապես 20-25 է»,- հենվելով կառուցապատողների համայնքի ներսում առկա տեղեկություններին Հանրային հեռուստաընկերությանը տրված հարցազրույցում ասել է Կառուցապատողների հայկական ասոցիացիայի նախագահ Գուրգեն Գրիգորյանը՝ միևնույն ժամանակ արձանագրելով, որ որոշակի ակտիվություն է արձանագրվել մարզերում։