«Կառուցապատողների Հայկական Ասոցիացիա» ՀԿ-ի նախագահ Գուրգեն Գրիգո րյանը մասնակցել է «Արդյունավետ վարչարարությունը՝ որպես տնտեսական միջավայրի որոշիչ գործոն» թեմայով պանելային քննարկմանը` ներկայացնելով գործարար համայնքի խնդիրները` կարևորելով բիզնեսակենտրոն վարչարարությունը երկրի տնտեսական զարգացման հեռանկարներում։
Քննարկումն իրականացվել է ՀՀ կառավարության կողմից կազմակերպված «Հայաստանի տնտեսական մրցունակության բարձրացումը քաղաքականությունների և վարչարարության բարելավման միջոցով» խորագրով գործարար աշխատաժողովի շրջանակում։
Իր ելույթում Գուրգեն Գրիգորյանը խոսել է վարչարարական գործընթացներում ժամկետների ուշացումների կամ մերժումների հարցի վերաբերյալ՝ նշելով բիզնեսի վրա դրա բացասական ազդեցության փաստը։ Բանախոսը թվարկել է նաև քաղաքաշինական ծրագրերում գործընթացների տևողությունը՝ հատկապես ուշադրություն հրավիրելով այն հանգամանքին, որ այդ գործընթացների համար 259 օր օրենսդրական ժամկետներ կան սահմանված, սակայն փաստացի՝ իրական կյանքում, դրանք կարող են տևել նաև 600 օր։
Ասոցիացիայի նախագահը խոսել է նաև վարչարարական գործընթացի այլ խնդիրների մասին՝ զուգահեռ ներկայացնելով բիզնեսի տեսակետից արդյունավետ առաջարկներ` կարևորելով պետություն-մասնավոր համագ ործակցությունը՝ հատկապես նշելով բիզնես ասոցիացիաների ու միությունների դերը նման երկխոսության կայացման գործում։
ք.Երևան, Ծիծեռնակաբերդի խճուղի 8/3
+374 44001099
+374 98513233
Կապ մեզ հետ