Կառուցապատողների Հայկական Ասոցիացիայի և Հայաստանի Շինարարների Միության ներկայացուցիչները հանդիպել են շահագրգիռ պետական ու համայնքային մարմիններին՝ քննարկելու մթնոլորտային օդի որակի խնդիրները, բարելավման ուղղությամբ հնարավոր անելիքները:
Եվ՛ կառուցապատողները, և՛ շինարարները նշել են, որ կան բազմաթիվ կարգավորումներ, որոնց պահպանումն ու իրագործումը գործնականում անհնար է, ուստի անհրաժեշտ է օրենսդրության պահանջները համապատասխանեցնել գործնականում դրանց կիրառելիությանը:
Կառուցապատողները և շինարարները պատրաստակամություն են հայտնել՝ առավելագույնս աջակցել առկախված խնդրի լուծմանը՝ պայմանով, որ առաջադրվող լուծումները գործնականում կիրառելի լինեն: